Përhapja e koronavirusit në institucionet shtetërore në vend nuk ka të ndalur.
Këtë herë në Vlorë janë mbyllur dy institucione shumë të rëndësishme pasi numri i stafit të të punësuar që janë infektuar me Covid-19 është rritur.
Mësohet se Gjykata e Apelit në Vlorë dhe një pjesë e institucionit të AKU-së janë mbyllur për shkak të rritjes së numrit të të infektuarve me Covid-19.
Kjo pasi në Gjykatën e Apelit të Vlorës, një person i punësuar ka rezultuar i infektuar me koronavirus
Gjithashtu pas tij u është bërë tamponi edhe personave të tjerë që kanë patur kontakt me të infektuarin dhe kanë rezultuar pozitiv edhe tre punonjës të tjerë. Dyshohet se punëtorët e tjerë janë prekur me Covid-19, por pritet që të dalë rezultati i analizave, për ta vërtetuar këtë.
Ndërkohë në AKU, kati i dytë i institucionit është mbyllur, pasi një inspektor ka rezultuar i infektuar.
Kujtojmë se ditën e djeshme humbën jetën 3 persona me Covid-19 duke e çuar në 228 numrin total të jetëve të humbura që nga fillimi i pandemisë. Dhe u raportua për 120 raste të reja.
