Pas tri ditësh pritje në radhën prej 20 km të gjatë, temperaturave të larta, mungesave në ushqime, ndihma mjekësore dhe kushte higjeno sanitare, shqiptarët kanë vendosur që të bllokojnë aksin nacional Gjirokastër-Kakavijë.
Ata kanë dalë nga makinat e tyre dhe kanë nisur duke protestuar që pala greke të vijojë punën ashtu siç duhet pasi prej dy orëash ata e kanë ndalur punën dhe sot po punojnë dhe me staf të reduktuar për shkak të festës së Shën Marias.
Qytetarët që kanë më shumë se tri ditë që presin në rradhë akuzojnë ambulancat dhe policinë se po kalojnë njerëz pa rradhë dhe maikna luksoze.
“Një makinë e kuqe në targë greke kaloi në kundra vajtje, policia e kaloi përpara nesh. Kanë marrë autobusat jashtë radhe dhe i kanë kaluar. Këto ambulancat nuk kanë qenë në shërbim të popullit, kanë qenë për të shtypur njerëzit. Ambulancat kanë marrë njerëz dhe i kanë kaluar lartë në doganë. Ku është ministri i Jashtëm. Si ka mundësi që tërë natën ambulancat lartë e poshtë duke transportuar njerëz për të kaluar kufirin, ndërsa sot s’ka asnjë ambulancë. Na shtypën edhe fëmijën,”– u shprehën disa qytetarë.
Ndërkohë kujtojmë se në rradhë ka edhe te moshuar e të mitur, ku njëri prej tyre humbi jetën ditën esotme nga një autoambulancë që po transportonte një të sëmurë.
