Qeveria greke ka vendosur masa të reja për hyrjen në territorin e saj përmes pikave kufitare tokësore me Shqipërinë. Përjashtim nga këto rregulla bëjnë personat që mbajnë pasaportë greke, leje qëndrimi apo ata që kanë leje kalimi për arsye të veçanta.
Mësohet se deri më 31 gusht, nëpërmjet pikës kufitare të Kakavijës do të lejohet hyrja e 750 personave në ditë, ndërsa për pikën tjetër kufitare, Kapshticën do të lejohen vetëm 300 persona. Ndërkohë që edhe orari i kalimit do të zgjatet më shumë, nga ora 07:00 deri në 23:00.
Gjitashtu kushdo që do të hyjë në kufirin grek nga data 16 gusht deri më 31 gusht, do të qëndrojë 7 ditë të karantinuar në shtëpi. Përjashtim bëjnë vetëm drejtuesit e kamionëve. Personat që shkelin masat e karantinës do të gjobiten me 5 mijë euro.
Njoftimi i plotë
Sipas vendimit të qeverisë greke kufizimet për hyrjen në Greqi nga Shqipëria shtyhen deri më datë 31 gusht 2020.
Sipas vendimit të qeverisë greke përjashtohen nga kufizimet poseduesit e pasaportes greke, të Kartës së Posaçme të Identitetit të Homogjenit dhe lejes së qëndrimit, personat që e kanë vendbanimin e tyre kryesor në Greqi dhe te gjithë ata që hynë pas marrjes se lejës përkatëse për nevoja profesionale absolutisht të domosdoshmë. Hyrja e personave të mësipërm nga pikat kufitare te Kakavisë, që lejohet të hynë 750 persona në ditë, dhe të Kapshticës që lejohet të kalojnë 300 persona në ditë, nga ora 07:00 deri në orën 23:00, ose me aeroplan (fluturimi Tiranë – Athinë).
Nga dita e diel 16.08.2020 ora 00:01 deri më 31.08.2020 ora 23:59, të gjithë ata që hynë në Greqi zbatohet karantinimi 7 ditor që prej mbërritjes së tyre (përjashtohen shoferat e kamionëve).
Personat të cilat shkelin masën e karantinës, përvec sanksioneve penale të parashikuara, dënohen më gjobë në masën 5.000 euro.
Nga data 17 gusht deri më 31 gusht, të gjithë ata që hyjnë në Greqi duhet të paraqesin:
1) Testin negativ për COVID-19 (me metodën PCR), i cili duhet të jetë kryer deri 72 orë para mbërritjes në pikën e kalimit kufitar, nga laboratorët publike ose private të certifikuara në Shqipëri, (nuk vlen për shoferët e kamionëve që transportojnë mallra dhe fëmijët e lindur nga 2011 e tutje)
2) Vërtetim diagnozë në anglisht (në të cilën duhet të jenë të shënuara emri, mbiemri dhe numri i pasaportës / numri i kartës së identitetit të individit
3) Vërtetimin e plotësimit të formularit të posaçëm PLF, me kodin QR (nga adresa elektronike https://travel.gov.gr).
Ata që hyjnë në Greqi për udhëtime profesionale absolutisht të nevojshme dhe me pas dalin nga shteti grek”, thuhet në deklaratën e ambasadës greke.
