UASHINGTON
Presidenti rus Vladimir Putin deklaroi disa ditë më parë se Rusia ka bërë gati vaksinën ndaj koronavirusit, por duket se diçka e tillë është e dyshimtë.
Shumë ekspertë të shëndetësisë dhe zyrtarë të lartë të disa shteteve kanë reaguar mbi aprovimin e vaksinës ruse.
Së fundmi, edhe një nga ekspertët më të mirë të Shëndetësisë në Amerikë Anthony Fauci dyshon në cilësinë dhe sigurinë që ka vaksina ruse.
“Të kesh një vaksinë dhe të provosh se vaksina është e sigurt dhe efikase janë dy gjëra të ndryshme. Shpresoj, por kam shumë dyshime dhe nuk kam dëgjuar të ketë prova se vaksina e krijuar nga rusët është e sigurt dhe efikase.”- është shprehur Fauci, në një intervistë ekskluzive për National Geographic.
Edhe ministri gjerman i Shëndetësisë Jens Spahn, ditën e djeshme u shpreh se vaksina ruse nuk ishte testuar mjaftueshëm, dhe se vaksinimi i miliona njerëzve do të ishte i rrezikshëm.
“Jam shumë skeptik për atë që po ndodh në Rrusi.”- tha Spahn. Mediat në gjuhën angleze thanë se edhe pohimi i Putinit se një nga vajzat e tij ka provuar vaksinën ruse ndaj Covid-19 ishte i rremë.
