Të tjera detaje mësohen nga ngjarja e rëndë e ndodhur dje në Gjirokastër, ku Mihal Thimjo vrau shoferin e kamionçinës, Gëzim Saraçin, 57 vjeç.
Ashtu siç shkruan Dosja.al, Thimjo ka shkuar në banesë dhe ka ndërruar rrobat.
Pas këtij veprimi, ai ka marrë makinën dhe ka dalë në rrugë. Pikërisht në këto momente, ai është ndaluar nga policia.
Uniformat blu të Gjirokastrës i kanë komunikuar 33-vjeçarit se akuzohet për veprën penale “vrasje me dashje”.
Autori Mihal Thimjo dhe viktima Gëzim Saraçi u konfikuan me njëri-tjetrin teksa po udhëtonin me kamioncinën e këtij të fundit.
Gjatë sherrit, ai e goditi 57-vjeçarin me sende të forta në kokë, duke e lënë të vdekur. Konflikti nisi kur Saraçi i ka thënë Thimjos “grek”, gjë që autori e ka marrë si ofendim.
