Ashtu siç ishte parashikuar, Këshilli Politik u mblodh edhe sot për herë të fundit përpara votimit të ndryshimeve kushtetuese më 30 korrik.
Por pa kaluar disa minuta, Rudina Hajdari, përfaqësuesja e opozitës parlamentare në Këshillin Politik është larguar nga mbledhja. Ende nuk dihet arsyeja e largimit të Hajdarit, por mësohet se pasi ka dalë nga takimi ka thënë “se nuk ja vlente më të qëndrohej në mbledhje”.
Ndërkohë që tre anëtarët e tjerë të Këshillit Politik, po vijojnë të vetëm diskutimet, për listat e hapura pas amendamentit të Opozitës së Bashkuar për lista të hapura 100%.
Kujtojmë që po gjatë ditës së sotme deputetja Hajdari u shpreh e indinjuar me përfaqësuesit e Këshillit Politik pasi nuk u përfshi në komunikimin e radhës lidhur me tematikat dhe logjistikën e organizmit të mbledhjeve.
