Në takimin që zhvilloi me homologen bullgare, Ekaterina Zaharieva, ministri i Jashtëm grek, Nikos Dendias tha se integrimi i Shqipërisë dhe i Maqedonisë së Veriut në Bashkimin Eropian është zgjedhje strategjike si për Bullgarinë ashtu edhe për Greqinë, që do të çonin në një Ballkan të qëndrueshëm.
“Edhe Bullgaria, edhe Greqia, janë faktorë stabiliteti dhe bashkëzhvillimi në rajonin tonë. Ne jemi ndihmës në rrugën e fqinjëve tanë drejt Bashkimit Europian, vendeve të Ballkanit, Maqedonisë së Veriut dhe Shqipërisë, natyrisht, gjithmonë me kusht që të respektohen kushtet e përcaktuara. Integrimi i këtyre vendeve në Bashkimin Europian është një zgjedhje strategjike si për Bullgarinë ashtu edhe për Greqinë, duke çuar në një Ballkan të qëndrueshëm”, theksoi Dendias.
“Është me rëndësi të madhe për sigurinë e të dy vendeve, por perceptimi i përbashkët është se ata duhet të kryejnë rreptësisht reformat dhe të ndjekin parimet e fqinjësisë së mirë”, theksoi ministrja Zaharieva.
