President Ilir Meta ka kujtuar sot 1-vjetorin e akodrimit të “Luanit të Artë” të Venecias, ku dhe ka kërkuar që së bashku me parlamentin e ardhshëm të miratohet ligji për referendumet.
Presidenti Meta thekson se populli nuk ka ikur nga bulevardi, por do të ikë kur të miratohet ligji për referendumet dhe të ketë President dhe deputetë 100% nga Populli.
Meta shprehet se askush nuk duhet të flasë në emër të popullit dhe bën thirrje për miratimin e ligjit për refendumet. Në një video të paraqitur nga Presidenti Meta, dëgjohen thirrjet e qytetarëve në pasditen e 2 Marsit të 2020 kur i kërkonin presidentit të shpërndante parlamentin.
Ndërkohë ditën e sotme Kuvendi votoi me 78 vota për mos të shkarkuar Presidentin Meta pas një procesi të gjatë në Komisionin e Posaçëm.
Mesazhi i Metës
Duke kujtuar 1-vjetorin e “Luanit të Artë” të Venecias, sot më duhet të riangazhohem që së bashku me Parlamentin e ardhshëm të miratojmë Ligjin për Referendumet në mënyrë që armiqtē e POPULLIT të mos lodhen kaq shumë duke folur në emër të Tij.
POPULLI FLET VETË ME ZËRIN DHE VOTËN E TIJ!
PO AFRON ORA QË TË RIMARRË TËRËSISHT SOVRANITETIN NË DUART E TIJ:
1. – Deputetët 100% nga Populli.
2. – President i Republikës nga Populli.
3. – Ligj për zhbllokimin e së drejtës kushtetuese për Referendumet.
POPULLI I 2 MARSIT është garancia më e mirë.
POPULLI nuk ka ikur nga Bulevardi. Do largohet vetëm ditën kur të miratohet Ligji për Referendumet. 🇦🇱
https://www.facebook.com/1477517792294489/posts/3202470153132569/?vh=e
