Kryeministri Edi Rama ndodhet në presion të faktorit politik të brendshëm dhe atij të jashtëm sa i përket ndryshimeve që kërkon të bëjë në Kushtetutë për hapjen e listave dhe heqjen e koalicioneve parazgjedhore.
Pak minuta më parë ka përfunduar në Kryeministri takimi i dy ambasadorëve të SHBA-së dhe BE-së, Yuri Kim e Luigi Soreca.
Ata janë takuar me Ramën dhe temë e diskutimit raportohet të ketë qenë përpjekja për ndryshimet kushtetuese.
Opozita jashtëparlamentare e kundërshton me forcë miratimin e këtyre ndryshimeve më 30 korrik, duke kërkuar më shumë kohë për të dialoguar. Edhe opozita parlamentare nuk i jep dakordësi Ramës për hapjen e pjesshme të listave, por kërkon hapjen e tyre 100%, çka për Ramën mund të ndodhë pas 30 korrikut.
Ndërkohë, edhe nga Bundestagu gjerman po vijnë çdo ditë sinjale të forta kundër miratimit pa konsensus të këtyre ndryshimeve, duke i kujtuar kryeministrit se duhet të ruajë fyrmën e konsensusit të arritur në marrëveshjen e 5 qershorit.
