Shtimi i rasteve të reja me koronavirus në Ballkan është analizuar edhe nga media gjermane, Deutsche Welle, e cila thekson se janë një seri faktorësh që kanë ndikuar në këtë situatë. Krysisht janë pakujdesia e shumë njerëzve dhe mospërfillja e rregullave të koronës.
Fakti që shumë lokale qëndrojnë të hapura, në vende turistike dhe peligrinazhi vazhdon grumbullimi normal i njerëzve, sipas DW, ka sjellë rritjen e rasteve pozitive me virus.
“Ndërsa Majorka mbylli përsëri zonat e klubeve, në shumë klube dhe anije-restonte në Zrce-Beach në Kroaci u mblodhën për të kërcyer, pirë dhe festuar mijëra vetë. Shume klube kërcimi regjistruan deri në 2000 klientë që kërcenin të shpenguar pa maska dhe pa respektuar as distancën fizike. Plazhet dhe lokalet janë të mbushura edhe në vendet e tjera të Ballkanit. Por këto nuk janë të vetmet vatra infeksioni në Ballkan. Edhe në Medjugorjen me famë botërore në Bosnje-Hercegovinë vijnë çdo ditë me mijëra vetë për peligrinazh që nuk i respektojnë rregullat mbrojtëse ndaj Coronës”, shkruan media gjermane.
Por një tjetër problematik që vë në dukje DË është edhe sjellja e qytetarëve në Ballkan, të cilët e kanë zakon të puthen dhe të përqafohen, edhe në kohë pandemie.
“Fakti që kriza e Coronës në gadishullin Ballkanik po rritet në mënyrë kaq dramatike lidhet edhe me sjelljen e banorëve. Në të gjithë rajonin njerëzit e kanë zakon të puthen e të përqafohen kur takohen me njëri-tjerin. E sidomos tani që kanë qenë për javë të izoluar duan ta shprehin edhe më me forcë se sa shumë i ka marrë malli për njëri-tjetrin”, shkruan DW.
