Ditën e sotme u arrit firmosja e marrëveshjes për Reformën Zgjedhore mes mazhorancës dhe opozitës parlamentare.
Kryeministri Edi Rama në daljen e tij pas firmosjes së marrëveshjes mes opozitës dhe mazhorancës për marrëveshjen e 5 qershorit u shpreh se doli i kënaqur nga kjo marrëveshje, pasi u arrit një konsensus gjithpërfshirës, megjithëse pak më parë Murrizi tha se nuk e ka firmosur marrëveshjen e 5 qershorit.
“Kemi pasur debat për këtë pikë (5 qershorin), veçanërisht me Murrizin, sepse nuk e njeh marrëveshjen e 5 qershorit, ndërkohë që kemi pasur sinjale pozitive nga kryetarët e dy grupeve të tjera, do ishte mirë që Murrzi të bashkohej në konsensus të plotë”, tha Rama.
Më tej kryeministri Rama tha se nesër do të mblidhet përsëri Këshilli Politik pasi më 23 korrik do të votohet në parlament marrëveshja e 5 qershorit ndërsa më 30 korrik ndryshimet kushtetuese.
“I kënaqur sepse kemi arritur një konsensus të gjerë, por jo total për të votuar në 23 korrik marrëveshjen e 5 qershorit. Nga ana tjetër kemi arritur dhe një konsensus të plotë jo vetëm për të hapur listat, por edhe për të vazhduar procesin gjithpërfshirës, së bashku me opozitën jashtë parlamentare, që domethënë një orë e më parë të mblidhet Këshilli Politik dhe të diskutojmë, atë që kemi hapur para pak kohe, dje, dhe tani jemi në kushtet ku duhet të diskutojmë konkretisht. Opozita jashtëparlamentare kërkonte datën e saktë, që është 23 korriku. Nga ana tjetër kemi nevojë të bashkëpunojmë për mënyrën se si do të reflektohet në kolegjin zgjedhor për atë që do të votohet në 30 korrik.
Kemi pasur debat për këtë pikë (5 qershorin), veçanërisht me Murrizin, sepse nuk e njeh marrëveshjen e 5 qershorit, ndërkohë që kemi pasur sinjale pozitive nga kryetarët e dy grupeve të tjera, do ishte mirë që Murrzi të bashkohej në konsensus të plotë. Kam bindjen që do e kalojmë ligjin. Në opozitën parlamentare nuk ka bashkësi të unifikuar, por një bashkësi individësh. Ka 48 orë kohë për të arritur të gjejmë një mbështetje sa më të gjerë.
Është parlamenti ai që ka të drejtë të vendosë për gjithcka që është përtej kornizës së 5 qershorit. Uroj që të mblidhemi në Këshillin Politik. Damianit i kam thënë që jam i gatshëm të mblidhemi në Këshillin Politik. Pra nesër ne do të ulemi në Këshillin Politik.
Ne do t’i qëndojmë marrëveshjes. Ne duam që të mbyllet gjithçka në fillim të sesionit tjetër. Përsa i përket heqjes së koalicioneve, nuk do të thotë se do të ndalohen koalicionet, do ekzistojnë si në shumë vende të botës nga ana tjetër edhe pragu 5% është hequr, ne jemi afruar në mënyrë të kujdesshme, por sa më shumë është për të diskutuar, por nuk ka shumë kohë. I bëj apel Lulzim Bashës: Mos bëni gabimet e shkuara duke refuzuar tryezat dhe të vazhdojmë punën së bashku, nuk jemi të detyruar të biem dakort me gjithçka. PS ka bërë të gjithë përpjekjet dhe ka bërë të gjitha lëshimet e mundshme, i ka qëndruar një procesi ku vullneti ka qënë. Besoj se jemi në rrugë shumë të mbarë dhe kush vazhdon në këtë rrugë ecën mbarë.”
