Jep dorëheqjen nga Këshilli i Lartë Gjyqësor , gjyqtari i Apelit të Tiranës Gjin Gjoni pak para përballjes me vettingun.
Me anë të një letre drejtuar Këshillit të Lartë Gjyqësor Gjoni ka numëruar sulmet politike sipas të cilave thotë se nuk iu është përgjigjur sepse ka vendosur të bëjë rolin dhe detyrën e gjyqtarit e të flasë me vendime.
Gjithashtu në letrën e largimit gjyqtari Gjoni mësohet të ketë deklaruar se “drejtësia është në kolaps” e gjithashtu ka theksuar se “Vettingu, jo i barabartë për të gjithë.
“Aktualisht drejtësia është në kolaps, vettingu nuk është i barabartë për të gjithë, pasi e kalon sitën e KPK dhe KPA vetëm në rast se i ke shërbyer politikës”, shprehet Gjoni.
Letra e plotë
Përgjatë 27 viteve i kam shërbyer me devotshmëri vetëm kushtetutës dhe ligjit, në çdo vendim i jam nënshtruar vetëm interesave të Republikës dhe bindjes time të brendshme për të dhënë drejtësi, i pandikuar nga askush, qofshin banditë, gangsterë apo qytetarë me lidhje të fuqishme. Kam ditur t’i qëndroj me profesionalizëm presionit edhe kur në vendimet e mia gjyqësore u dënuan e gjithë nomeklatura politike, grupet më të rrezikshme kriminale dhe individë me pushtet politik. Fëmijët, nipërit apo mbesat e tyre, sot janë në drejtim të shtetit, si zyrtarët më të lartë. Por, psistemi i drejtësisë është në kolaps, lëvizjet dhe sita e vettingut nuk ka të njëjtat parametra, dhe as kritere të barabarta për të gjithë, nëse je shërbëtor i politikës, nëse firmos dhe vulos pa menduar, nëse je shpallur më parë armik i partisë nuk shihesh me sy të mirë dhe përfundon në rrugë. Shumë kolegë të nderuar nuk i janë nënshtruar në mënyrë të barabartë ligjit, shumë kolegë që kanë dënuar eksponentë të rkimit të organizuar janë flakur nga sistemi vetëm sepse nuk i do partia, ndërkohë që shumë të tjerë, kanë kaluar pavarësisht paligjshmërisë së akumuluar sa një mal në suhtrimin e funksionit të tyre si gjyqtar. Sulmin personal me emër nominal e kam mësuar nga zyrtarët më të lartë, gjatë kohës që unë ushtrojë detyrën e gjyqtarit dhe jo vetëm, përfaqësues të pushtetit ekzekutiv, të cilët japin llogari dhe nuk janë kontrollrë të gjyqësorit.Për fat të keq, për shtatë vite me radhë, i jam nënshtruar sulmeve personale të paskrupullta, sulme tërësisht politike, dhe një kallëzimi penal tërësisht politik dhe me urdhër, sulme oersonale ndaj meje dhe familjes time vetëm e vetëm sepse nuk pranova t’i nënshtrohem pushtetit por shtetit, ligjit dhe jo individit, interesave të shtetit dhe jo të partive….asnjë argument ligjor nuk u nxor dhe asnjë element i shkeljes së ligjit nuk ka dalë në ushtrimin e veprimtarisë time por vetëm sulme politike. Sulmeve politike nuk u jam përgjigjur sepse kam zgjedhur të bëj rolin e gjyqtarit dhe të flas me vendime e jo me fjalë, por mesa duket asnjë element procedurialnuk ka mbetur dhe gjithçka kontrollohet politikisht. E vetmja mënyrë që ka mbetur për t’i shërbyer publikut është të diorëhiqem dhe të përballem në mbrojtje të interesit publik duke qenë në ballë të luftës për drejtësi, duke mos lënë padrejtësinë të marrë përpara këdo, vetëm nga frika e pushkatimit pa gjyq. Qëndrimi im ndaj standarteve dhe vetë sistemit të drejtësisë do të jetë nga sot e tutje, jo vetëm i njëjti, por do të vijojë betejën në të gjitha dimensionet dhe mundësite për t’i shërbyer vlerave dhe parimeve që i besoj dhe që i shërbeva deri më sot. Trupa, e cila më gjykon mua dhe kolegët e mi të nderuar, të cilët kanë mbajtur pesha nga më të vështirat dhe të rëndat, është në nivel që lë shumë për të dëshiruar, si në aspketin profesional, në formimin e përgjithshëm si dhe lidhjet që kanë me politikën (80% e tyre kanë qenë nëpunës të kësaj administrate). Për këto arsye, kërkoj të heq dorë në mënyrë të parevokueshme nga statusi i gjyqtarit dhe njëkohësit gjyqtarit të Gjykatës së Apelit Tiranë dhe për rrjedhojë edhe anëtarit të Kolegjit Zgjedhor. Mbetem me shpresë se këkresa ime do të merrte parasysh nga ana juaj, në një kohë sa më të shkurtër.
Gjyqtari Gjoni aktualisht është nën hetim pasi është një nga figurat e drejtësisë më të përfolura për pasurinë e tij, pasi nuk kaloi në sitën e verifikimit sepse në mënyrë të beftë dhe të padëgjuar më parë, në fund të vitit 2018, gjyqtari mori leje prindërimi 2-vjeçare, meqë u bë me vajzë dhe u largua për në Gjermani.
