Ngjarja e rëndë që ndodhi ditën e djeshme në Triakla, Greqi duket se i ka tronditur të gjithë dhe ka angazhuar forcat greke të policisë për zbardhjen e plotë të ngjarjes.
Sipas mediave greke, bisedat e fundit që ka bërë shqiptarja para se të vritej, janë shpresa e vetme për zbardhjen e plotë ngjarjes.
Pritet që avokati i ngjarjes të paraqesë një kërkesë për të çkoduar telefonin e adoleshentes, për të parë se me kë ka komunikuar ajo para se të gjendej e vdekur. Avokati mbrojtës, ka kërkuar një ekspertizë të thelluar të trupit të 16-vjeçares. Ekzaminimi do të kryhej mëngjesin e sotëm, por është shtyrë për pasdite.
Për momentin të gjitha dyshimet e hetuesve janë tek një oficer policie, i cili do të takonte në mesnatë 16-vjeçaren shqiptare. Prova më e fortë që kanë hetuesit për momentin është dëshmia e motrës së të ndjerës. Kjo e fundit ka treguar përpara hetuesve, se motra e saj do të takohej me një 26-vjeçar, të cilin e kishte njohur së fundmi.
Policia po heton gjithashtu edhe pistën e vetëvrasjes, pasi mendohet se adoleshentja mund të jetë hedhur nga skelat e kishës, por familjarët e saj e kanë mohuar këtë version.
Kujtojmë se 16-vjeçarja me origjinë shqiptare është gjetur e pajetë mëngjesin e djeshme jashtë një kishe në kodrën e Profitis Ilias në Trikala në Greqi. Ekspertë të mjekësisë ligjore kanë shkuar në vendngjarje për të ekzaminuar trupin e pajetë, në të cilin janë vënë re shenja dhunë në trup e fytyrë, të cilat dukeshin sikur ishin shkaktuar nga një këpucë.
Sipas mediave greke e mitura i ishte drejtuar Policisë, ku kishte denoncuar dhunën nga një shok i saj. E mitura ishte shpallur e zhdukur nga familja e saj që prej ditës së djeshme, ndërsa e motra kishte telefonuar Policinë. Autoritetet kanë nisur hetimet lidhur me ngjarjen duke marrë në pyetje të gjithë të personat që e njihnin të miturën.
Marrë nga Zougla.gr
