Aleanca për Mbrojtjen e Teatrit i është rikthyer protestave, pasi është mbledhur para Prokurorisë së Posaçme (SPAK). Me postera në duar, Aleanca për Teatrin kërkon që të reagohet për kallëzimet që kanë bërë deri më sot në lidhje me çështjen e Teatrit.
“Teatri aty ku është si është”, “Teatri bërtet drejtësi”, “Zbatoni Ligjet”, “Duam Drejtësi” dhe “Teatri jemi ne dhe ju”, shkruhet ndër të tjera në parulla.
https://www.facebook.com/110243613751205/videos/2566806426875150/
Aleanca për Mbrojtjen e Teatrit ka zhvilluar takime në disa qytete dhe ka mbledhur firmat e peticionit për rindërtimin e teatri aty ku ishte dhe siç ishte më parë. Po ashtu, AMT ka depozituar në Prokurorinë e Posaçme kallëzim penal për shembjen e Teatrit Kombëtar, ku akuzon kryeministrin Edi Rama, kreun e Bashkisë së Tiranës, Erion Veliaj dhe arkitektin danez, Bjarke Ingels.
