Shkon në 4 numri i të infektuarve në radhët e zyrtarëve të policisë, pasi së fundmi është konfirmuar pozitiv me koronavirus në Elbasan shefi i policimit në komunitet.
40-vjeçari është vetëkarantinuar, gjithashtu është karantinuar për 14 ditë edhe drejtori i Policisë së Qarkut. Gjatë 24 orëve të fundit u konfirmua e infektuar një punonjëse e zyrës së pritjes për qytetarët.
Ndërsa më herët gjatë javës janë konfirmuar me koronavirus dy efektivë të Rrugores. Raste aktive deri më tani në Elbasan vijojnë të jenë 35.
Ndërkohë sot janë shënuar dhe 2 viktima të tjera janë shënuar nga COVID-19 në 24 orët e fundit. 117 persona janë të infektuar ndërsa 68 janë shëruar nga koronavirusi. Në 24 orët e fundit ka shtim të pacienteve të shtruar, ku aktualisht janë 85 pacientë në spital, 10 pacientë janë në terapi intensive dhe 4 prej tyre janë të intubuar, në gjendje të rëndë.