Vijon të thellohet bilanci i viktimave nga Covid-19 në vendin tonë pasi 2 pacientë të tjerë kanë humbur jetën në spitalin Infektiv. Dosj.al raporton se viktimat janë një 76-vjeçar dhe një 59-vjeçar nga Kruja. Ky i fundit ditën e enjte ishte shtruar në spital Infektiv.
Nuk dihet ende nëse pacientët vuanin nga sëmundje të tjera bashkëshoqëruese, pasi Ministria e Shëndetësisë nuk ka dhënë asnjë njoftim zyrtar, teksa pritet përditësimi i të dhënave ditore.
Ndërkohë javët e fundit është rritur ndjeshëm numri i viktimave dhe të infektuarve. Ditën e djeshme humbën jetën 3 pacientë tek Infektivi, mes tyre një mjek. Po kështu u konfirmuan 71 raste të reja. Harta u zgjerua në 16 qytete të tjera. Aktualisht në spitalin infektiv po marrin mjekim 87 pacientë, 9 prej të cilëve janë në gjendje të rëndë. Numri i të shëruarve ka shkuar në 1702.
