Shoqata Transporti Ndërqytetas dhe Rrethqytetas e Udhëtarëve ka denoncuar publikisht disa prej operatorëve që kanë nisur punën.
Sipas deklaratës së dhënë në rrjetet sociale, Unioni i Transportit Publik, shprehet se këta operatorë që kanë nisur punën janë detyruar të rrisin çmimin e biletave pasi nuk ka udhëtarë dhe se nuk po zbatojnë as kushtet higjieno-sanitare.
“Po bëjmë këtë deklaratë pas disa ankesave të marra nga qytetarë të ndryshëm për transportin që ka rifilluar këto ditë. Unioni i transportit publik se disa prej operatorëve që kanë rifilluar punën, kanë nisur rritjen e çmimit të biletave dhe nuk po zbatojnë kushtet higjieno-sanitare, të vendosura në kuadër të situatës së pandemisë.
I bëjmë thirrje të gjithë qytetarëcve që Unioni i Transporteve distancohet nga këto operatorë që në këto kushte po rrezikojnë jetën e qytetarëve. Të gjithë institucionet dhe autoritetet kontrolluese të marrin masa dhe të reagojnë publikisht në lidhje me këtë situatë skandaloze. Shëndeti dhe jeta e çdo qytetari shqiptar është më e rëndësishme se puna e një operatori. Ju faleminderit,”– thuhet në deklaratë.
Qytetaret e Tiranës vijojnë të jenë të penalizuar pasi transporti urban qytetas nuk është funksional dhe ende nuk ka një datë për rinisjen e tij. Punonjësit e transportit publik zhvilluan një protestë para ministrisë së Infrastrukturës, ku kërkuan një tjetër pagë lufte.
Drejtori i Përgjithshëm i Shërbimit të Transportit Rrugor, Blendi Gonxhja, është shprehur sot se po punohet për të plotësuar këtë kërkesë të shoqatave të transportir qytetas dhe ndërqytetar dhe shtoi se janë rreth 2.4 milionë euro që do të shkojnë për këta punonjës, duke u dhënë dhe një pagesë të dytë, për shkak se janë prekur nga pandemia e COVID-19.
Më herët, Kryetari i Bashkisë Erion Veliaj i bëri thirrje kompanive të transportit publik urban për të rifilluar shërbimin urban. Veliaj paralajmëroi se ato kompani që nuk do të rinisin nga puna duke mbajtur peng qytetin, do të humbasin licencën.
