Një sherr masiv ka ndodhur në Elbasan mes një grupi të rinjsh mbrëmjen e sotme.
Nga të dhënat e para mësohet se ngjarja ka ndodhur në lagjen “Emin Matraxhiu”. Ndërkohë, dyshohet për persona të plagosur pasi në sherr janë përdorur edhe mjetet e forta.
Mësohet se një furgon dhe një mjet tjetër tek të cilët dyshohen se kanë qenë rreth 12 persona të pajisur me shkopa bejsbolli dhe kanë zbritur nga dy mjetet dhe kane goditur një grup tjetër personash.
Personat sipas dëshmive kanë qenë të maskuar dhe mjetet kanë qenë më xhama të zinj.
Në këtë ngjarje janë përfshirë rreth 20 të rinj, ndërsa janë përplasur edhe me forcat e policisë, të cilët kanë ndërhyrë. Në spitalin kirurgjik në Elbasan janë disa persona që janë dërguar për të marrë ndihmë mjekësore.
