Seanca e sotme plenare është shoqëruar me tensione e debate midis deputetit të opozitës Halit Valterit e kryetarit të Kuvendit, Gramoz Ruçit që në fillim të saj.
Por kjo nuk ka mjaftuar me kaq.
Kur fjalën në foltore po e mbante ministrja Etilda Gjonaj, një moment tensioni është regjistruar në sallën e Kuvendit mes deputetëve të opozitës parlamentare.
Ralf Gjoni ka nisur të debatojë verbalisht me deputetin Halit Valteri.
Ka qenë deputeti Arlind Çaçani, ai i cili ka ndërhyrë tek Valteri për t’i hequr shikimin nga Ralf Gjoni duke e prekur në nofull.
Ndërsa Myslim Murrizi e tërheq nga krahu dhe e largon Gjonin nga vendi ku ishte ulur Valteri.
Nuk dihen ende arsyet pse janë konfliktuar deputetët ndërkohë që kohët e fundit janë vënë re tensione mes tyre.
Menjëherë pas incidentit, deputeti Halit Valteri ka mbajtur fjalën e tij në foltore, ku i ka bërë apel ministres Manastirliu që të të bëjë edhe testin e intelektit dhe jo vetëm matjen e temperaturës te deputetët e Kuvendit.
“Keni vendosur matjen e temperaturës, por bëni edhe testin e intelektit dhe të idiotëve në këtë vend se kemi lloj lloj idioti dhe lloj lloj halabaku që nuk dinë se ça flasin”, u shpreh Valteri.
https://www.youtube.com/watch?v=ER1OIcF7Tjs
