Një pako e dyshimtë si lëndë eksplozive shkaktoi alarm për trito mesditën e sotme në lagjen “Kushtrimi” në qytetin e Vlorës.
Ngjarja ndodhi rreth orës 12:30 kur komisariati mori njoftim se u gjet një pako e dyshimtë në pjesën e pasme të automjetit. Nga verifikimi i policisë , pakoja ndodhej në makinën tip BMW X3 në pronësi të një shtetasje nga Vlora.
Burime nga specialistët thonë se pakoja me lëndë plasëse nuk ka qenë aktive. Ndërkohë makina është zhvendosur pranë ambienteve të komisariatit dhe po priten xhenierët për të bërë lëvizjen e pakos. Paraprakisht thuhet se pako nuk është me telekomandë. Në kohën e vendosjes së eksplozivit të dyshuar, makina ka qenë e parkuar në rrugën hyrëse të qytetit, pranë ambienteve të paraburgimit.
Janë sekuestruar pamjet filmike dhe është marr dëshmia e drejtueses së automjetit, por ende nuk ka asnjë informacion zyrtar nga policia për këtë ngjarje.
