Vijon rritja drastike e rasteve me të prekur nga COVID-19 në Republikën e Maqedonisë së Veriut. Përgjatë 24 orëve janë regjistruar 118 raste të reja nga 1363 testime të kryera dhe 4 viktima duke e çuar numrin totat të viktimave në 251.Mësohet se viktimat janë të moshës 58-73 vjeç.
Në të njëjtën kohë qeveria e Maqedonisë së Veriut miratoi vendimin për rihapjen e kufijve. Për hyrjen në këtë shtet nuk do të ketë asnjë kusht, as test për koronavirusin dhe as vetoizolim 14-ditor, siç ishte deri më tani.
Vendimi do të hyjë në fuqi më 26 qershor.
Gjithashtu është kthyer gjendja e rregullt e transportit të organizuar të udhëtarëve nga dhe në zonën e komunës së Tetovës dhe nga komunat Tearcë, Bogovinjë, Zhelinë, Vrapçishtë, Gostivar, Jegunovcë, Bërvenicë, Mavrovë-Rostushë dhe qyteti i Shkupit.
Numri më i madh i të infektuarve është shënuar në Shkup. Ndërkohë 37 pacientë të tjerë kanë fituar betejën me virusin, duke e çuar numrin e përgjithshëm në 2048. Përsa i përket rasteve aktive, Maqedonia e Veriut numëron 3012 raste.
Njoftimi i Ministrisë:
Gjatë 24 orëve të fundit nga 1363 testime të realizuara, 118 kanë rezultuar pozitiv me Covid-19.
Brenda 24 orëve janë regjistruar 74 pacientë të shëruar. Në Shkup janë regjistruar 37 të shëruar, në Shtip 3, Prilep 5, Tetovë 24, Veles 1, Gostivar 4.
Sipas statistikave të fundit, gjatë 24 orëve të fundit kanë ndërruar jetë 4 pacientë me koronavirus, të gjithë nga Shkupi. Viktimat janë mes moshës 58 dhe 73 vjeçe.
Numri i përgjithshëm i pacientëve të diagnostifikuar me Covid-19 në vendin tonë shkon në 5311, prej të cilëve 2048 janë shëruar kurse 251 pacientë kanë ndërruar jetë si pasojë e Covid-19 në disa raste të shoqëruara me sëmundje tjera. Për momentin në vendin tonë ka 3012 raste aktive me koronavirus.
