Shoqata Transporti Ndërqytetas dhe Rrethqytetas i Udhëtarëve ka njoftuar nëpërmjet rrjetit social “Facebook” se Ministria e Shëndetësisë ka hequr kufizimet për hapjen e transportit ndërqytetas.
Nisur që nga dita e nesërme do të rinisë transporti ndërurban në Shkodër dhe Korçë.
E ndërsa u vendos për hapjen e trasnsportit ndërqytetas por edhe të linjave urbane, Shoqata e Transportit ka kundërshtuar protokollin e masave.
Në një intervitë për “News24”, kreu i shoqatës së Transportit, Eneo Sulejmanaj u shpreh se zbatimi i 13 pikave të vendosura nga Ministria e Shëndetësisë do t’i çonte ata drejt falimentit.
Sipas Sulejmanaj, ata janë të gatshëm të nisin punën por vetëm nëse ndryshon ky protokoll, pasi do të punohet me kapacitet të përgjysmuar për shkak të kushteve lidhur me situatën e Covid-19.
Sulejmanaj ka paralajmëruar edhe protesta, edhe pse vetë kryeministri Rama i ka ndaluar me ligj për shkak të masave të marra për mos përhapjen e koronavirusit.
“Komiteti i Ekspertëve nuk është vendimmarrëse, por institucion këshillues.
Nëse e dëgjuam me kujdes, ministrja tha se protokolli i sigurisë mbetet në fuqi. Këtë kundërshtojmë, pasi shtohen kostot.
Ky vendim duhet të bëhet zyrtare nga ministrja e Infrastrukturës, pra duhet të vijë në formë shkresore por jo përmes ‘Facebook’.
Duhet të ndryshojnë disa nga kërkesat tona. Ne duam që të nisë sa më shpejt shërbimi.
Protokolli ka kosto shtesë. Po kush i mbulon këto kosto?
Ne na kanë ardhur 13 pika. Ne mund të zbatojmë në transportin ndërqytetas është e realizueshme.
Nëse në transportin qytetar është më e vështirë. S’mund të ruhet distanca mes qytetarit dhe faturinos.
Ne nuk na dalin shpenzimet me këtë 50 ulje të fluksit.
Nuk kemi kapacitete. Ne do të dalim në një deklaratë për shtyp.
Por me shumë siguri them se do të ketë dhe një protestë”,- tha Sulejmanaj.
