Gjatë ditës së djeshme në qytetin e Pogradecit janë bërë 7 tamponë për testimin e COVID-19, 3 prej të cilëve kanë rezultuar pozitivë. Mësohet se të trija rastet janë punonjës të Konsultores së Fëmijës në qytet.
Një mjeke dhe dy infemiere kanë rezultuar me koronavirus ndërsa përgjigjet për pjesën tjetër të personelit kanë ardhur negative, duke bërë ata do të qëndrojnë të izoluar për 14 ditë.
Pas kësaj autoritetet kanë vendosur për mbylljen e kësaj njësie.
Nga hetimi epidemiologjik, ISHP ka arritur në përfundimin se virusi në Pogradec shkoi nga Tirana pasi njëra nga gratë e infektuara ka takuar vajzën që kishte shkuar atje nga kryeqyteti.
Ndërkohë ISHP ka konfirmuar sot 53 raste të reja me koronavirus gjatë 24 orëve te fundit, një shifër e cila po rritet ndjeshëm nga dita në ditë.
Zonat më problematike janë në Tiranë, Shkodër dhe Krujë, qytete të cilat kanë numrin më të madh të rasteve aktive.
