Ditën e djeshme lajmëruam se tashmë gjyqtari Roland Hysi ishte arrestuar, mirëpo sot kemi një lajm duhet thënë shumë të mirë. KLGJ ka bërë detyrën e saj dhe ka marrë një vendim përsa i përket çështjes.
Gjyqtari i cili i kërkonte një nëne marrëdhënie seksuale dhe para për t’I dhënë kujdestarinë e vajzës është pezulluar nga detyra dhe kjo me një vendim unanim të KLGJ.
Vet ky institucion e ka bërë të ditur këtë lajm përmes një njoftimi për shtyp ku edhe shpreh mendimin e saj rreth këtij akti.
Një ditë pas arrestimit të tij, pasi u denoncua në emisionin investigativ “STOP”, ku kërkonte ryshfet dhe marrëdhënie seksuale në këmbëm të një vendimi në favor të një nëne, KLGJ ka vendosur të pezullojë nga detyra, gjqtarin e Fierit, Roland Hysi.
“Këshilli i Lartë Gjyqësor, bazuar nenin 140, pika 3, të Kushtetutës dhe nenin 151, pika 1,gërma “a” të ligjit nr.96/2016 “Për statusin e gjyqtarëve dhe prokurorëve në Republikën e Shqipërisë”, menjëherë sapo u njoh me vendimin e Gjykatës së Shkallës së Parë për Krime të Rënda, vendosi me unanimitet në mbledhjen e datës 10.01.2019, pezullimin nga detyra për gjyqtarin e Gjykatës së Rrethit Gjyqësor Fier, z. Roland Hysi.
Gjatë mbledhjes anëtarët e Këshillit të Lartë Gjyqësor, shprehën vendosmërinë për të luftuar pa asnjë kompromis çdo akt apo sjellje që diskrediton rëndë figurën e gjyqtarit.
Duke pasur si objektiv parësor rikthimin e besimit të publikut tek gjyqësori, Këshilli i Lartë Gjyqësor do vijojë pa kompromis betejën ndaj çdo lloj korrupsioni të shfaqur, në të gjitha nivelet, me qëllimin final sigurimin e sundimit të ligjit, pavarësinë dhe eficiencën e gjyqësorit”.
Rasti i gjyqtarit është bërë i njohur në emisonin investigative “Stop”, i cili ka nisur menjëherë hetimet pas denoncimit që i erdhi nga zonja që ishte duke kërkuar të mbante kujdestarinë e të bijës. Gjyqtari I kërkonte jo vetëm rryshfet, por edhe marrëdhënie seksuale.
