Gjykata e Tiranës vendosi ekstradimin e terroristit të ISIS, Komron Zukurov drejt Gjermanisë me kushtin e vetëm që të mos lejohet ekstradimi në Taxhakistan.
24-vjeçari u arrestua më 29 prill nga Antiterrori në Tiranë.
I riu ishte në kërkim ndërkombëtar nga Gjermania dhe prej kohësh strehohej në Shqipëri.
24-vjeçari ka mbërritur në Shqipëri në mënyrë të ligjshme para se shteti gjerman të lëshonte urdhër-arrestin ndaj tij dhe ta shpallte në kërkim ndërkombëtar pasi akuzohet për ‘Pjesëmarrje në organizatë terroriste’.
Nga përgjimet Zukhurov rezultoi se kishte ardhur në Shqipëri për të kryer një sulm terrorist kundretj 40 mijë dollarëve shpërblim.
Avokati i 24-vjeçarit është shprehur se ai është keqtrajtuar dhe dhunuar nga regjimi diktatorial i vendit aziatik.
Madje disa foto të trajtimit të tij të dhunshëm që i janë bërë 24-vjeçarit janë shpërndarë në media.
Pikërisht kjo ishte arsyeja e vetme që ekstradimi të mos ndodhë në vendin e tij në Taxhikistan.
