Pak minuta më parë një atentat me armë zjarri u regjistrua në qytetin e Elbasanit.
Nga policia u mësua se personi i plagosur është Ardian Çapja.
Detaje të reja janë zbardhur nga atentati i sotëm ndaj Ardian Çapjas.
Mësohet se ai është qëlluar në shpatull me një snajper, të cilit i janë fshirë numrat.
Ai është qëlluar nga pjesa e pasme e banesës. Gjithashtu 55-vjeçari, pas plumbit të marrë është rrëzuar dhe ka marrë dëmtime në kokë.
Snajperi është djegur brenda makinës që iu vu flaka nga autorët.
Çapja është dërguar për në spitalin e Traumës në gjendje të rëndë shëndetësore.
Sipas “Balkanweb” dhe disa pamjeve të publikuara nga këta të fundit, në spital janë shtuar edhe forcat e sigurisë.
Në hyrje të spitalit janë katër policë që nuk lejojnë që në spital të hyjnë njerëz të pautorizuar apo pa mjetet e identifikimit.
Ndërkohë Ardian Çapja po i nënshtrohet një ndërhyrje për të hequr plumbin nga shpatulla.
Sipas gazetares Klodi Hoxha, plumbi nuk i ka prekur asnjë organ jetësor Çapjas.
