Një person ka kërcënuar me armë Policinë në Kamzë ditën e sotme.
Shtetasi Roland Kryemadhi është vetëdorëzuar pasi ka qëlluar në ajër me armë zjarri pistoletë, kur policia ka hyrë në banesën e tij.
Në momentin që shërbimet e Policisë kanë hyrë në banesë ky shtetas ka nxjerrë një armë zjarri pistoletë dhe ka kanosur punonjësit e Policisë për vrasje në rast se do afroheshin dhe më pas është mbyllur në banesë.
Një besimtar, mik i Ronald Kryemadhit që u vu në pranga ditën e sotme, tregon të tjera detaje për ngjarjen.
Miku i tij tregon se Kryemadhi nuk i linte vajzat të shkonin në shkollë pasi zhvishen dhe bëhen prostituta.
Madje ai u është kthyer policëve me ton të revoltuar ku u kërkon llogari se përse e kanë arrestuar Kryemadhin.
Ai shton se e ka vëlla mysliman dhe se policët duhet të pendohen para Allahut për atë që kanë bërë, ndryshe do ndëshkohen.
“Nëse ka sha dikënd e marr unë përgjegjësi që e ka bërë. Allahu u shkatërroftë, Allahu u shkatërroftë, Allahut u shkatërroftë , kush i hap luftë një njeriu të Allahut, Allahu iu shkatërron.
U dashka me e çu një fëmijë në shkollë dhe me i zhvesh.
Shteti urdhëron me çu fëmijët në shkollë, me i qit prostituta, zotërinë e kam vëlla mysliman.
E njoh shumë mirë, është njeri i qetë, unë iu bëj këshillë ju që të pendoheni te Allahu para se t’iu vijë vdekja. Pse e arrestoni, për çka arsye e keni arrestuar atë vëlla, jepni llogari te Allahu, do të pendoheni për këtë që po bëni.
Allahu u shkatërroftë, Allahu i shkatërroftë, je në luftë me Allahun, kanë qenë edhe më të fortë se ju dhe i ka shkatërruar Allahu,”- shprehet qytetari.
