Përpjekjet për konsensusin në lidhje me Reformën Zgjedhore kanë rifilluar.
Kjo vjen pas dështimit të Këshillit Politik në arritjen e një marrëveshjeje midis palëve për Reformën Zgjedhore.
Palët shkelën afatin e 31 majit teksa sot pas dy ditësh Yuri Kim, amabasadorja e SHBA Yuri Kim, ambasadori i BE Soreca dhe ai britanik Duncan Norman kanë nisur një takim me 4 anëtarët e Këshillit Politik, raporton gazetari i Neës24 Ergys Gjençaj.
Ditën e djeshme, ambasadorja e SHBA, Yuri Kim, i kujtoi maxhorancës dhe opozitës premtimin që do arrinin në konsesus dhe datën që ata kishin vënë më herët, 31 majin.
Lidhur me këtë çështje, Kim ishte në takim me Lulzim Bashën në selinë e PD teksa pritet të shihet se çfarë ndikimi do të kenë këto takime tek ecuria e konsensusit në Këshillin Politik.
Edhe në mbledhjen e fundit të Këshillit Politik një përfaqësues i SHBA u përpoq të bindte palët por pa sukses kurse tani duket se këto tentativa po vijojnë po nga ndërkombëtarët dhe nga treshja Kim- Soreca- Norman që dje ishin në zyrën e Lulzim Bashës.
