Prej gati disa muajsh, qytetarët e Sarandës janë duke protestuar kundër ndërtimit të Bulevardit të Ri të qytetit.
Protesta zhvillohet për ndërprerje të menjëhershme të punimeve.
Shumë qytetarë të cilët kanë biznese janë shprehur se punimet kanë 11 muaj që po bëhen dhe duhet të kishin përfunduar, që rruga të hapej për sezonin turistik.
Të prekur edhe nga kriza ekonomike, për shkak të pandemisë Covid-19, sezoni veror është e vetmja shpresë për të punuar.
Bizneset janë shprehur se protestat do të vazhdojnë deri në pezullimin e punimeve nga firma ndërtuese.
Nga ana e kryetarit të Bashkisë Adrian Gurma më herët ishte premtuar se Bulevardi do të ishte i aksesueshëm për këmbësorët në fillimin e sezonit turistik, por që më pas është deklaruar se Bulevardi gjatë kësaj vere do të vijojë të mbetet një kantier punimesh.
