Ditën e djeshme u raportua se, drejtori i Përgjithshëm i Burgjeve Agim Ismaili, pas një sherri në burgun “313”, izoloi për tre muaj, pesë anëtarët e grupit Avdylaj, që në datën 23 u përplasën me Policinë.
Shkak për këtë kërkesë është bërë një sherri i ndodhur në ambientet e paraburgimit me punonjësit e policisë, ku i kanë kërcënuar këta të fundit.
Mirëpo, Gjykata e Tiranës ka vendosur që të anulojë vendimin e drejtorit të Përgjithshëm të Burgjeve dhe vendimi është marrë ditën e djeshme, gjatë seancës së zhvilluar në Gjykatën e Tiranës, ku u vëzhguan edhe filmimet e marra nga burgu, teksa për një orë e 30 minuta shihej përplasja mes të dënuarve dhe efektivëve.
Së fundmi, janë zbardhur kërcënime të tjera që banda e Avdylajve u ka bërë policëve të burgut “313” në Tiranë.
Gazetarja Klodiana Lala ka zbardhur një tjetër kërcënim, ku në një moment një anëtar i bandës i thotë një polici që ta mbajnë mend fytyrën e tij, pasi do t’i heqë qafe sapo të dalë nga burgu.
“Ty të njoh se më ke shoqëruar për vizitë në spital. Nuk i kontrolloni dot Avdylajt. Për 10 ditë unë jam jashtë, mbaje mend fytyrën time, do t’iu heqim qafe”, është një nga kërcënimet.
