Kjo është java e fundit e kufizimeve, pasi ditën e djeshme ministrja e Shëndetësisë Ogerta Manastirliu lajmëroi se Shqipëria pritet t’i rikthehet jetës normale duke filluar nga data 1 qershor, në të cilën do të lejohet lëvizja e lirë e qytetarëve me mjetet e tyre në të gjithë vendin.
Urdhri i ministres parashikon hapjen e kufijve më datë 1 qershor, ndërsa ndalohet transporti publik, dasmat, ceremonitë mortore, teatrot apo klubet e natës.
Sa i përket atyre që vijnë nga jashtë, tani nuk është më i detyrueshëm karantinimi 14 ditor.
Pak minuta më parë Manastirliu, ka publikuar hartën e liri-daljes për këtë fundjavë.
Në një postim në rrjetet e saj sociale, numri një i shëndetësisë thekson se këtë fundjavë do të hapen pa kufizime aktivitetet e lejuara të biznesit në të gjithë vendin.
Ndërkohë, kufizimi i vetëm do të jetë lëvizja e qytetarëve nga zonat e kuqe në zona të gjelbërta, kufizim ky që do të hiqet më 1 qershor.
