Ditën e sotme Aleanca për Mbrojtjen e Teatrit Kombëtar ka vijuar turin e mbledhjes së firmave për peticionin për ndërtimin e Teatrit Kombëtar atje ku ishte dhe si ishte, duke u ndalur në Lezhë, ku ka kërkuar mbështetjen e qytetarëve për të firmosur peticionin që kërkon rindërtimin e Teatit Kombëtar siç ishte më parë.
Ky është qyteti i katërt verior ku ndalet Aleanca për Mbrojtjen e Teatrit, pas Durrësit, Shkodrës dhe Burrelit.
Regjisori Edmond Budina tha se në Lezhë Aleanca ka ardhur për të lidhur besëlidhjen nëpërmjet peticionit, teksa paralajmëroi edhe një herë se do ketë një manifestim gjigand në Tiranë pasi të ketë mbaruar turi i peticionit teksa shprehet se në mënyrë simbolike do ngulet në sheshin e Teatit Kombëtar, flamuri shqiptar, që ra gjatë shembjes së Teatrit.
”Kemi ardhur të lidhim Besëlidhjen. Të lidhim besën me atë peticionin dhe të organizojmë më pas një manifestim gjigand dhe të ngulim në sheshin e Teatrit Kombëtar flamurin kombëtar. Që ai kryeministri e hodhi gjatë shembjes. Demokracia është një maratonë e gjatë dhe duhet të luftojmë, të ndërtojmë institucionin e rezistencës që e bëmë në 2 vite e gjysëm.”- tha Budina.
https://www.facebook.com/110243613751205/videos/1005427103207624/
Aleanca për Mbrojtjen e Teatrit prej shembjes së godinës ka zhvilluar 3 protesta në Tiranë dhe ka nisur një tur në Shqipëri me të cilin synohet që të mblidhen firma nga qytetarë e artistë për rindërtimin e Teatrit Kombëtar aty ku ishte ashtu siç ishte, por rindërtimit është një premtim dhe i Lulzim Bashës.
Mëngjesin e 17 majit me vendim të Këshillit Bashkiak të Tiranës, u shemb godina e Teatrit Kombëtar, vendim ky i pasur me dy protesta të njëpashnjëshme, të cilat është përdorur edhe dhuna policore ndaj qytetarëve.
Opozita ka mbështetur protestat dhe ka thënë se tashmë do të përkrah çdo tubim të qytetarëve, pasi sipas tyre është kaluar vija e kuqe.
Pas shembjes, kryebashkiaku Erion Veliaj kërkoi bashkëpunim me artistët, ndërsa kryeministri Edi Rama premton se godina e re do të jetë moderne dhe do plotësojë të gjithë kërkesat e aktorëve.
Sakaq, nuk kanë munguar edhe reagimet nga ndërkombëtarët, që kanë kritikuar dhe dënuar shembjen e Teatrit.
