Një video e publikuar në internet dy ditë më parë, ka shokuar opinionin publik në të gjithë botën.
Videoja është bërë virale, në të cilën një 46-vjeçar afro-amerikan ka humbur jetën pas dhunës së ushtruar nga një oficer policie.
46-vjeçari George Floyd ka humbur jetën nga sjellja brutale e një oficeri policie në Minneapolis.
Floyd u mbajt për shumë minuta i shtrirë përtokë, ku oficeri i policisë i vendosi me forcë gjyrin e tij në zverk.
George Floyd i përgjërohej policit se nuk mund të merrte frymë, mirëpo ai nuk e lëshoi pavërsisht thirrjeve të tij për ndihmë.
Ngjarja ka ndodhur për shkak se pronari i një marketi lagjeje e kishte thirrur policinë, pasi dyshonte se George Floyd kishte dashur të merrte produkte me kupon fallso.
Edhe personat kalimtarë që janë ndodhur në momentin e ngjarjes i kanë kërkuar oficerit të policisë që ta lironte 46-vjeçarin, pasi ai nuk po tentonte as t’i kundërshtonte.
Policët kanë thënë të kundërtën në deklaratën e tyre pas ngjarjes, por në video duket qartë që viktima nuk ka bërë rezistencë, përkundrazi u është përgjëruar që ta lirojnë pasi nuk merrte dot frymë.
“Ju lutem, ju lutem. Unë nuk mund të marr frymë. Nuk mund të marr frymë, oficer”, janë thirrjet e njëpasnjëshme të Floyd.
Pas 10 minutash, ai ndaloi së marri frymë dhe është aty poshtë gjyrit të oficerit. Ka qenë një kalimtare që ka njoftuar ambulancën dhe që i ka kontrolluar pulsin.
“Ata thjesht vranë atë burrë,” thotë një grua jashtë kamerës.
Tashmë dy oficerët janë pushuar nga puna dhe po ndiqen penalisht për ngjarjen tragjike, ku humbi jetën në mënyrë absurde një 46-vjeçar.
Ngjarje të tilla në Amerikë, ndodhin shëmtuar për shkak të racizmit dhe mungesës së kulturës.
