Ditën e sotme Aleanca për Mbrojtjen e Teatrit Kombëtar ka vijuar turin e mbledhjes së firmave për peticionin për ndërtimin e Teatrit Kombëtar atje ku ishte dhe si ishte, duke u ndalur në Burrel, ku ka kërkuar mbështetjen e qytetarëve për të firmosur peticionin që kërkon rindërtimin e Teatit Kombëtar siç ishte më parë.
Në një tubim të mbajtur në qendër të qytetit, një prej drejtuesve të Aleancës, regjisori Edmond Budina u shpreh se ka një lëvizje të madhe anti-shqiptare që ka punuar dhe punon për të keqen e Shqipërisë por ai bën thirrje që o sot, o kurrë të mbrohet identiteti kulturor.
“Një pushtet që i varfëroi njerëzit, dhe kulmi ishte Teatri. Ashtu si në natën e famshëm të kristaleve hynë me automatikë të përzënë artistët që kishin prej 2 vitesh që protestonin në mënyrë paqësore. Rama vijon të gënjejë. Ne e pushtuam Teatrin vetëm në 24 korrik, dhe e çliruam në fakt, se deshin ta vidhnin, dhe e vodhën. Varrosën gjithë vlerat që kishin brenda. Në krye të Teatrit Kombëtar kishim vendosur flamurin kombëtar, ata nuk pyetën as për të. Ta hiqnin atë dhe ta shembnin, si turqit në kohën e Skënderbeut edhe këta shkelin flamurin kombëtar. Nuk e di nëse dëgjuar dje Presidentin Meta, por e kuptoni se ka një lëvizje të madhe anti-shqiptare, anti-kombëtare. O sot, o kurrë, të mbrojmë identitetin kombëtar që armiqtë e Shqipërisë kanë punuar për të keqen. Bëhuni të gjithë bashkë për ta shporrur këtë klikë uzurbatore”, tha Budina.
https://www.facebook.com/110243613751205/videos/3159043527654112/
Aleanca për Mbrojtjen e Teatrit prej shembjes së godinës ka zhvilluar 3 protesta në Tiranë dhe ka nisur një tur në Shqipëri me të cilin synohet që të mblidhen firma nga qytetarë e artistë për rindërtimin e Teatrit Kombëtar aty ku ishte ashtu siç ishte, por rindërtimit është një premtim dhe i Lulzim Bashës.
