Më në fund, pas një vuajtjeje të gjatë situata nga Covid-19 në Itali po shkon drejt përmirësimit , teksa bilanci po lehtësohet dita-ditës.
Kështu, 24 orët e fundit janë regjistruar 92 viktima dhe tashmë numri i përgjithshëm i tyre ka arritur në 32,877.
Sakaq, janë identifikuar 300 raste të reja, duke e çuar numrin e të infektuarve në 230,158.
Megjithatë, personat aktiv me Covid-19 janë reduktuar në 55,300, pasi numri i pacientëve të shëruar është 141,981, teksa vetëm 24 orët e fundit janë regjistruar 1,502 të shëruar.
Pacientë që po kurohen në repartet e terapisë intesive janë reduktuar në 54, ndërsa në struktura spitalore po kurohen 8,185 e në kushte izolimi shtëpiak 46,574.
Rajoni i Lombardisë ka regjistruar sot 34 viktima e 148 raste pozitive, teksa deri më sot në Itali janë kryer 3 milionë e 462 mijë e 253 tamponë.
