Rektori në ikje i Universitetit të Tiranës, Mynyr Koni, i ka dërguar një letër publike kryeministrit Edi Rama, ministres së Arsimit, Besa Shahini, gjithë personelit akademik dhe studentëve të Universitetit Të Tiranës.
Koni shkruan se më 21 maj është zhvilluar një mbledhje në godinën e”Liria”, ku është nga një grup senatorësh të Senatit Akademik të UT.
Teksa iu përmend emrat, Koni shkruan se Dhori Kule, Artan Hoxha, Artur Sula dhe Edmond Rapti, prej 4 vitesh, në mënyrë të përsëritur, në shkelje flagrante të ligjit të arsimit të lartë 08/2015 dhe të shumë akteve të tjera ligjore dhe nënligjore në fuqi; të mbështetura edhe nga Bordi i Administrimit dhe Administratori i UT, kanë përdorur të gjitha rrugët dhe metodat për të penguar funksionimin normal të institucionit të Universitetit të Tiranës dhe se janë pikërisht këta persona që qëndrojnë pas mbledhjes së zhvilluar në godinën “Liria”.
Koni thekson se është njoftuar për këtë mbledhje më 14 maj dhe një ditë para se të zhvillohej, më 20 maj, iu ka dërguar një letër të gjithë anëtarëve të Senatit Akademik, duke iu sqaruar hollësisht arsyet pse kërkesa e paraqitur nga Artur Sula nuk ishte kompetencë e Senatit Akademik.
Ky reagim ka ardhur pasi Senati Akademik i Universitetit të Tiranës ka shpallur të pavlefshëm vendimin e tij për shkarkimin nga puna të Majlinda Keta kryetare të KIZ si dhe të personelit akademik, Bernard Dosti, Oriona Muccollari, Ardian Doka dhe Eglantina Gishti.
Klikoni KËTU për të lexuar letrën e plotë të Rektorit, Mynyr Koni
