Ish presidenti i klubit të njohur turk të Gallatasarajit, Adnan Polat ka dorëzuar në prokurorinë e Stambollit një padi penale ku akuzon kompaninë e Sinan Idrizit, “Air Albania” për mashtrim.
Truku ishte takuar me Idrizin, i cili i kishte thënë Polat se një kompani e quajtur Global Fluids International, GFI në Shqipëri po bënte një biznes shumë të fitimprurës në Shqipëri dhe ai mund ta ndihmonte nëse donte ta blente kompaninë.
Mediat turke raportojnë se Idrizi ka mashtruar biznesmenin turk, duke i marrë para me pretekstin se do të blinte një kompani nafte.
Po ashtu, në padi thuhet se Idrizi i ka thënë ish-presidentit të “Galatasaray”, se kompania do të shitje për 17 milionë dollarë dhe 3.5 milionë dollarë nevojiteshin si garanci, e cila do të kthehej, nëse shitja nuk përfundonte.
Turku kishte përgatitur edhe projekt-marrëveshjen për blerjen e aksioneve në 2016-ën, por Idrizi i kishte thënë se zyrtarët e kompanisë duan që paratë të mos kalojnë përmes bankës, por ndërmjet të besuarit.
Pas nënshkrimit të kontratës, Polat kishte depozituar paratë në llogarinë e biznesmenit, i cili i kishte thënë se projekti do të realizohej pas zgjedhjeve të 2017-ës, por shitja nuk u realizua kurrë.
Kështu, Polat i kërkoi Idrizit kthimin mbrapsh të parave, por ky i fundit nuk ka pranuar, duke bërë që Polat të depozitonte padinë në Prokurorinë e Stambollit, e cila tashmë ka filluar hetimet.
