Luan Daci nga sot nuk do të jetë më gjyqtar i Kolegjit të Posaçëm të Apelimit, pasi është pezulluar nga detyra.
SPAK në një njoftim për shtyp sqaron se shkak për këtë pezullim është bërë fshehja e shkarkimit të tij nga detyra në vitin 1997.
Hetimi ka nisur disa muaj më parë, përfshirë këtu disa institucione që kanë marrë përsipër akuzat dhe ai akuzohet se ka mashtruar institucionet shqiptare, ndërkohë që ka patur rol kryesor në mbajtjen në punë ose largimin të gjykatësve dhe prokurorëve në Shqipëri.
Ky është një nga vendimet më të forta të SPAK që prej nisjes punë disa muaj më parë.
Daci ka arritur të mashtrojë edhe anëtarët e Komisionit të Ligjeve.
I pyetur nga deputetët se pse u largua ai ka thënë se ka qenë vendim i tij personal dhe i ka thënë se ka punuar si avokat pas vitit 2000.
DEBATI TEK LIGJET:
Luan Daci: Unë kam ikur me dorëheqje pasi nuk na lejuan të regjistroheshim
Vasilika Hysi: Nga vitit 1997-2000 me cfarë jeni marrë?
Luan Daci: Më ndonjë pune cfarë të kisha mundësi
Vasilika Hysi: Dakord
Luan Daci: Pastaj ju futa avokatisë, sepse duhet të angazhohesha
Vasilika Hysi: Dakord, sepse në CV kishte një vakum
Luan Daci: Doja t’u angazhohesha në administratë ose me ndonjë rrugë jashtë shtetit. Jashtë shtetit nuk kisha mundësi të shkoja, dhe në vitin 2000 kam marrë licencën e avokativë të cilën ma ka dhënë direkt ministri duke më vlerësuar.
Kush është Luan Daci?
Gjyqtari Luan Daci është shkarkuar në vitin 1997 është shkarkuar nga sistemi i drejtësisë, për shkelje të ligjit dhe paaftësi në detyrë.
Vendimi është marrë më 24 dhjetor të vitit 1997, në Këshillin e Lartë të Drejtësisë, institucion tashmë i shkrirë nga reforma në drejtësi, në krye të të cilit në atë kohë, ishte Presidenti i Republikës së Shqipërisë, Rexhep Mejdani.
Daci, në deklarimin që ka bërë më 18 nëntor 2016 në Këshillin e Lartë të Drejtësisë, ka thënë se është vetëlarguar nga sistemi më 1997, por SPAK, ka arritur të provojë se Daci ka mashtruar institucionet shqiptare.
