Dy persona janë arrestuar ditën e sotme nga Policia e Durrësit pasi ishin shpallur në kërkim ndërkombëtar.
Në një njoftim për shtyp, bluet bëjnë me dije se të ndaluarit janë një 46-vjeçar me inciale G.D., banues në Sukth dhe një 32-vjeçar banues në fshatin picrrakë të Krujës.
Në njoftim thuhet se G.D. është dënuar me 1 vit burg nga Gjykata e Durrësit për ‘Goditje për shkak të detyrës, ndërsa ndaj G.K., Gjykata e Apelit të Tiranës ka dhënë masën e sigurisë “Arrest me burg” për “Kultivim të lëndëve narkotike”.
Materialet i kaluan Prokurorisë së Durrësit për veprime të mëtejshme.
Njoftimi i policisë:
Ndalohen dy shtetas të shpallur në kërkim kombëtar për vepra të ndryshme penale.
Specialistët për Hetimin e Krimeve në Komisariatin e Policisë Durrës dhe Krujë, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasit: G. D., 46 vjeç, banues në Sukth, sepse Gjykata e Shkallës së Parë Durrës e ka dënuar me 1 vit burg, për veprën penale “Goditje për shkak të detyrës”.
G. K., 32 vjeç, banues në fshatin Picrrakë, Krujë, sepse Gjykata e Apelit Tiranë i ka dhënë masën e sigurisë “Arrest në burg”, për veprën penale “Kultivim i bimëve narkotike”. Materialet i kaluan Prokurorisë së Rrethit Gjyqësor Durrës, për veprime të mëtejshme.
