Koronavirusi ka pushtuar globin prej muajsh, teksa ende nuk është krijuar vaksina që do i jepte fund betejës me armikun e padukshëm.
Deri tani numërohen 4,989, 270 të infektuar, 324,970 viktima dhe 1,960,502 të shëruar në 213 vende.
Tashmë që temperaturat kanë nisur të rriten dhe virusi ka humbur agresivitetin e tij, vendet kanë nisur të hapen gradualisht, duke vënë në zbatim protokolle të shumta sigurie dhe duke u përshtatur me mënyrën e re të jetesës dhe të bashkëjetesës me Covid-19.
Në këto kushte është shumë e rëndësishme zbatimi i të gjitha rregullave dhe masave të sigurisë, në mënyrë që të shmanget transmetimi i virusit.
Një ndër to është edhe mbajtja e maskave.
Për këtë të fundit, Instituti i Shëndetit Publik ka dhënë mëngjesin e sotëm disa këshilla të rëndësishme për të gjithë qytetarët, se si të vendosin, përdorin dhe heqin maskën.
“Ështe shumë e rëndësishme të dimë si të vendosim, përdorim, heqim maskën dhe ku duhet ta hedhim atë pas përdorimit”, shkruan ISHP.
- Pastroni duart me solucion me bazë alkooli duke i fërkuar me njëra-tjetrën ose lajini me ujë e sapun.
- Mbuloni fytyrën dhe hundën me maskën dhe sigurohuni të mos lini hapësira mes maskës dhe fytyrës.
- Gjatë përdorimit evitoni prekjen e maskës me duar; dhe nëse e prekni lani duart me ujë e sapun ose fërkojini me njëra-tjetrën me solucione me bazë alkooli.
- Zëvendësoni maskën me një të re sapo të ndjeni që është e qullur dhe mos e përdorni përsëri maskën njëpërdorimshe.
- Kur ju duhet ta hiqni maskën: hiqeni duke e kapur nga pas (mos e prekni maskën nga përpara); Hidheni menjëherë në një kosh të mbyllur, pastroni duart me solucion me bazë alkooli duke i fërkuar me njëra-tjetrën ose lajni me sapun.
https://www.facebook.com/permalink.php?story_fbid=2328336390793385&id=1403099393317094
