Ditën e djeshme u shemb Teatri Kombëtar nga një operacion i beftë policor në orët e para të mëngjesit të 17 majit.
Sende me vlerë të arkivave kanë përfunduar në një gjendje të mjerueshme.
Ata që shembën godinën nuk e vunë “ujin në zjarr” për pasurinë e tyre, por janë gjetur të hedhura në tokë sikur të ishin mbeturina.
Oborri i teatrit “Turbina” është kthyer tashmë në landfill, pasi të gjitha sendet me vlerë që duhet të ishin ruajtur, kanë përfunduar në tokë dhe kanë kaluar natën në qiell të hapur.
E gjithë pasuria e Teatrit Kombëtar dhe atij Eksperimental ndodhet në rrugë dhe kush do mund t’i marrë ato lehtësisht, t’i dëmtojë, por dhe mund t’i djegë.
Nga ana tjetër, kryetari i Bashkisë së Tiranës, Erion Veliaj nëpërmjet një videoje “live” shprehu keqardhje dhe bindjen para ndjekësve të tij se vendimi për prishjen e teatrit kishte qenë një nga vendimet më të vështira në jetën e tij. Por mesa duket nuk paska qenë kështu.
Të ishte ashtu siç vetë Veliaj u shpreh, do të kujdesej për pasurinë e teatrit për ruajtjen e plotë të të gjitha objekteve me vlerë që ishin brenda tij.
