Covid-19 është ‘rikthyer’ në Durrës, pasi Ministria e Shëndetësisë njoftoi ditën e sotme se gjatë 24 orëve të fundit janë konfirmuar 8 raste të reja, teksa dje u konfirmua për 7 raste.
Sipas Dosja.al 8 rastet e reja janë punonjës të fasonerisë “Endi”, në të cilën ditën e djeshme rezultuan edhe 7 persona të tjera.
Po kështu kjo fasoneri ka edhe një pikë në Krujë, e cila u bë “vatra e infeksionit” në këtë qytet, teksa dyshohet se janë infektuar edhe persona të tjerë.
Dje u raportua se është mbyllur reparti i fasonerisë “Endi shpk” dhe sipas informacioneve paraprake, instancat shtetërore shëndetësore kanë bërë që reparti të mbyllet dhe të 276 punonjësit janë karantinuar në shtëpitë e tyre.
LEXO: Fasoneria ktheu Covid-19 në Durrës: Mbyllet reparti, karantinohen 276 persona
Fasoni “Endi shpk”, ishte kthyer në një problem të madh, pasi kishte dërguar letra kërcënues kundrejt spitaleve dhe bashkisë, duke kërkuar që të mos përhapen informacione për të infektuarit në Krujë dhe në ambientin e tyre, pasi pretednojnë se po u shkatërrohet puna.
Këtu vlejmë të theksojmë se një episod të disa javëve më parë, kur drejtori i fasonerisë “Endi shpk” ka thënë dy gënjeshtra live në një televizion kombëtar, ku është shprehur se në subjektin e tij vetëm një punonjëse ka rezultuar pozitive me koronavirus, por kjo punonjëse sipas tij nuk është paraqitur fare në punë që prej 16 marsit.
Mirëpo, ai u përgënjeshtrua nga një sërë mesazhesh nga punonjësit drejtuar Eni Vasilit, që shkruanin se e infektuara ka vijuar të shkojë në punë dhe se në fakt janë rreth 20 persona të prekur në këtë fasoneri.
Po ashtu, ai u shpreh se e ka bërë testin në një spital privat dhe ka rezultuar pozitiv, mirëpo testimet nuk mund të kryehen në spitale private.
LEXO: Kruja vatër infeksioni: 2 gënjeshtrat e drejtorit të fasonerisë ‘live’ në emision
Deri tani në vendin tonë janë 933 të infektuar, 31 viktima dhe 714 të shëruar.
