Ndërsa ka nisur lehtësimin gradual të masave kundër Covid-19, qeveria greke të mërkurën njoftoi se planifikon të rihapë plazhet në fundjavë, duke zbatuar protokollet e caktuara për moslejimin e përhapjes së virusit.
Njoftimi u bë pas një rekomandimi të Komitetit të Sëmundjeve Infektive të Ministrisë së Shëndetësisë, pas temperaturave të larta që priten në ditët në vijim në shtetin grek.
Nga ora 8 e mëngjesit të ditës së sotme, 16 maj, 515 plazhe do të funksionojnë nën këto kushte:
-Pushuesit do të regjistrohen që në hyrje
-Numri maksimal i plazhistëve është 40 persona për 1000 metër katrorë
-Distanca minimale midis akseve të cadrave është vendosur në 4 metra, ndërsa distanca minimale prej 1 metrash midis perimetrit të hijes së dy çadrave
-Në çadra do të jenë dy shezllone, me përjashtim të familjeve me fëmijë të mitur.
-Do të shiten vetëm produkte të paketuara-Ndalohet shitja e pijeve alkoolike.
-Nuk do të ketë tryeza në lokale-Punonjësit do të mbajnë maska
-Stafi i plazhit duhet të dezinfektojë krevatët e diellit apo karriget për çdo klient.
-Gjithashtu duhet të dezinfektojnë rregullisht ambientet sanitare.
-Sportet ekipore me kontakt fizik janë të ndaluara.
Ndërkohë deri më tani numri i personave që kanë humbur jetën si pasojë e koronavirusit në Greqi është 160 dhe 2 810 të tjerë janë konfirmuar të infektuar.
Kujtojmë se për vendin tonë nuk ka ende një plan lidhur me sezonin turistik këtë verë, teksa deri tani kryeministri Rama ka treguar se plazhet do jenë publike.
Shoqata e Shqiptare e Turoperatorëve dhe Agjentëve Turistikë, por edhe Shoqata shiptare e Turizmit i kanë bërë disa kërkesa qeverisë shqiptare për të filluar rimëkëmbjen e sektori të turizmit, por nuk kanë marrë ende përgjigje.
LEXO: Të goditur rëndë nga pandemia dhe tërmeti: Shoqata e Agjencive Turistike 5 kërkesa për qeverinë
Ndonëse vendi ynë nuk u godit rëndë nga pandemia, dëmi në këtë sektor është i madh, pasi në nëntor ai u trondit nga tërmeti fatal që shkaktoi dëme të paimagjinueshme.
