Kryeministri Edi Rama ka realizuar një video live në Facebook, ku ka folur rreth lehtësimit të masave në vendin tonë.
Kreu i qeverisë u shpreh se numrat e lartë të rasteve të reja janë rrgjistruar si shkak i rritjes së ekspozimit pas lehtësimit të masave, por gjithsesi mbetet problem.
Ai tha se në zonat e kuqe do ketë kufizime dhe nuk e përjashtoi mundësinë që një zonë e gjelbër të bëhej e kuqe, nëse rastet rriten.
Jemi të vetëdijshëm që numrat lëvizin, pasi rritet ekspozimi. Në këtë situatë në këtë fazë, secili prej nesh është vendimtar.Sjellja në raport me rregullat është decizive, pasi në kushtet e hapjes nuk është një çështje e policisë dhe e kontrolleve apo e kornizës ligjore, por është një çështje e vetëdijes qytetare në këtë situatë, ku është patriotizëm kur mbron shëndetin tënd dhe të të tjerëve. Ky është patriotizmi sot, që të mos kuturisësh dhe të shkelësh rregullat. Dua ta përsërish soin e papërgjegjshëm, që i bien fyellit që i bien në po atë vrimë që i kanë rënë dhe më parë. Njëri shkruante se kjo po bëhet për protestat, t’i lëmë këto broçkulla dhe të referohemi tek shkenca e të mos merremi me llafe. Ky është patriotizmi sot, që të mos kuturisësh dhe të shkelësh rregullat.
Më tej, Rama tha se nga e hëna vendi ynë do hapet pothuajse totalisht, me përjashtim të disa aktiviteteve që paraqisin rrezikshmëri të lartë.
Karegoritë që do vijojnë të qëndrojnë të mbyllura deri në një lajmërim të dytë janë: transporti publik, palestrat, qëndrat sportive të mbyllura, teatrot, klubet e natës, kinematë.
Megjithatë, kryeministri Rama ka kërkuar nga qytetarët të respektojnë masat kundër koronavirusit dhe të tregohen të ndërgjegjshëm, pasi situata mund të përkeqësohet.
Vetëm Shqipëria kështu, vetëm Shqipëria ashtu. Ne nga e hëna, përveç transportit publik, aktitvitet sportive në mjedise të mbyllura, nuk do kemi asgjë tjetër mbyllur. Hiq transportin publik, me të drejtë shumëkush nga ju është i shqetësuar për mungesën, duhet të jetë i vetëdijshëm që nuk e hapim dot ende. Hiq palestra, qëndra sportive, teatro, klube nate, kinnema, gjithçka tjetër do jetë e hapur. Ekspozimi do të jetë shumë i madh.
https://www.facebook.com/edirama.al/videos/803175863543542/
