Ministrja e Shëndetësisë, Ogerta Manastirliu, ka bërë të ditur përmes një statusi në Facebook se Katari ka ndihmuar Shqipërinë me 10 ton materiale mbrojtëse kundër koronavirusit.
Sipas numrit 1 të shëndetësisë, ndihmat përfshijnë: maska, mbrojtëse për fytyrën, syze dhe veshje speciale.
Manastirliu i ka shprehur mirënjohjen shtetit të Katarit për këtë ndihmë të madhe në ditët e vështira që vendi ynë po kalon, si pjesa më e madhe e botës.
“Një tjetër gjest solidariteti nga shteti i Katarit për vendin tonë. ✅ 10 ton materiale të mbrojtjes personale, maska, mbrojtëse për fytyrën, syze dhe veshje speciale kanë mbërritur sot në aeroportin “Nënë Tereza”, në ndihmë të mjekëve në vijën e parë, për përballimin e #COVID19. Mirënjohje shtetit të Katarit për mbështetjen e pakursyer për Shqipërinë në ditë të vështira🙏🏼 ”, shkruan Manastirliu.
https://www.facebook.com/OgertaManastirliu/posts/951841971938520
Kujtojmë se ditët e fundit situata në vendin tonë është përmirësuar dhe kurba e rasteve të reja kanë qenë e ulët.
Aktualisht numërohen 880 të infektuar, 688 e të cilëve janë shëruar kurse 31 persona fatkeqësisht kanë humbur jetën.
