Një ngjarje e rëndë ka ndodhur në qytetin e Fierit. Dy të rinj janë arrestuar me akuzën se kanë përdhunuar një 23-vjeçare.
Mësohet se gjithashtu ata e kanë shantazhuar vajzën për të përfituar para praj saj.
Policia njofton se në pranga kanë rënë shtetasit M. G., 26 vjeç (i dënuar më parë për kundërshtim dhe goditje të prokurorit) dhe O. A., 25 vjeç, të dy banues në Fier.
Denoncimi është berë nga vetë 23-vjeçarja dhe nga kjo e fundit mësohet se ngjarja ka ndodhur në datën 5 Maj në një nga banesat e dy personave të arrestuar.
Njoftimi i policisë:
Specialistët për Hetimin e Krimeve të Rënda në Drejtorinë Vendore të Policisë Fier ndaluan shtetasit M. G., 26 vjeç (i dënuar më parë për kundërshtim dhe goditje të prokurorit) dhe O. A., 25 vjeç, të dy banues në Fier.
Ndalimi i këtyre shtetasve u bë pas kallëzimit të bërë në DVP Fier, nga një 23-vjeçare se në datën 05.05.2020, në një banesë të tyre në Fier, këta shtetas e kanë përdhunuar dhe e kanë shtrënguar për të përfituar pasuri.
Materialet i kaluan Prokurorisë pranë Gjykatës së Shkallës së Parë Fier, në ngarkim të shtetasve M. G. dhe O. A., si autorë të dyshuar për kryerjen e veprave penale “Marrëdhënie seksuale me dhunë me të rritura” dhe “Shtrëngimi me anë të kanosjes ose dhunës për dhënie pasurie” e kryer në bashkëpunim.
