Studentët janë rikthyer sërish sot për të protestuar për 8 kërkesat e tyre pas protestave të janarit.
Mësohet se studentët do të mblidhen nga ora 08-09:30 para fakulteteve për t’u bashkuar më pas në orën 10:00 para Kryeministrisë.
Nga fotot e postuara në rrjetet sociale të studentëve të ndryshëm shihet se dyerve të fakulteteve u është vënë dryni.
Në protestën e sotme, studentët kanë ftuar të gjithë qytetarët që duan të protestojnë për të drejtat e tyre.
Studentët kanë paralajmëruar se nuk do të bëjnë kompromis dhe se do të kërkojnë plotësimin e kërkesave të tyre, jo me VKM, por me votë në parlament, pavarësisht disa vendimeve të Këshillit të Ministrave si dhe paktit për Universitetin të propozuar nga qeveria,.
Sipas studentëve, drafti për universitetin nuk është i plotë dhe i saktë, prandaj edhe protestat do të vazhdojnë.
