Pavarësisht se situata në Itali duket se po shkon drejt përmirësimit, numri i viktimave nga Covid-19 është tragjik, pasi ka shkuar në 30, 201.
Gjatë 24 orëve të fundit janë regjistruar 243 viktima dhe 1, 327 raste pozitive, duke e çuar në 217,185 numrin total të të infektuarve.
Aktualisht, numri i personave aktivë me koronavirus është 87, 961 dhe numri i të shëruarve vijon të jetë më i madh, 99,203, teksa në 24 orët e fundit janë shëruar 2,928 pacientë.
Në repartet e terapisë intesive janë të shtruar 1,168 persona, teksa në repartet spitalore numri i pacentëve është 14 ,636.
Në rajonin e Lombardisë sot janë regjistruar 634 raste pozitive dhe 94 viktima.
Deri më sot në Itali janë kryer 2,445,063 tampone.
Këtë të hënë, pas dy muajve izolim Italia është futur në fazën e dytë të pandemisë, pasi ka nisur lehtësimi i masave që ka rikthyer rreth 4 milionë njerëz në punë.
Të gjithë ata që do të rikthehen në punë, janë mes moshës 40 dhe 49 vjeç, por e përkthyer në përqindje, 70% e atyre që kthehen në punë i përkasin grupmoshës 50 dhe 59 vjeç dhe për 60% ndaj atyre mbi 60 vjeç.
Po ashtu, njerëzit mund të vizitojnë të afërmit e tyre, ndërsa miqtë janë të përjashtuar, teksa
Sakaq, tani e tutje, seancat e provimeve dhe seancat e diplomimit mund të zhvillohen me pjesëmarrjen fizike “me kusht që të ketë një organizim hapësirash dhe praktikë të tillë që të minimizojnë rrezikun e afërsisë që janë miratuar në kuadër të masave të organizative të parandalimit dhe mbrojtjes nga Covid-19.
Sa i përket transportit publik distanca është e detyrueshme dhe duhet që gjithmonë të mbahet maska mbrojtëse.
