Kreu i shtetit dhe antarët e kabinetit qeveritar në mbledhjen e qeverisë në Elbasan ditën e sotme, janë pritur me protesta.
Bëhet me dije për ‘balkanweb’ se një grup banorësh së bashku edhe me kreun e degës së PD në Elbasan, Eugen Isaj, kanë protestuar në hyrje të resortit ku po zhvillohet edhe mbledhje e qeverisë.
Protesta e tyre është shoqëruar me thirrjet “qeveri e krimit” dhe “Rama ik”.
Atyre iu bashkua edhe deputeti i PD-së, Luciano Boci.
Banorët kanë përdorur tymuese gjatë protestës e cila zgjati disa minuta.
Kujtojmë se mbledhja ka nisur në orën 09:00 ku të pranishëm janë ministrat e emëruar së fundmi dhe gjithashtu edhe ministrat e shkarkuar nga Edi Rama.