Rektori i Universitetit të Tiranës, Mynyr Koni, ka shkarkuar nga Universiteti i Tiranës 6 pedagogë, të cilët po ashtu ishin pjesë e Komisionit Institucional të Zgjedhjeve, që pritet që të mbahen në 12 qershor.
Sipas Konit, ata janë shkarkuar pasi nuk i janë bindur urdhrit të rektorit për zgjedhjet në universitet.
Të shkarkuar nga Rektori Mynyr Koni
Majlinda Keta
Bernard Dosti
Oriona Muçollari
Gledian Caka
Ardian Doka
Eglantina Gishti
Nga detyra është shkarkuar edhe pedagogia Majlinda Keta, e cila ishte dhe kryetare e Komisionit Institucional të Zgjedhjeve në Universitetin e Tiranës.
Pak ditë më parë Koni doli kundër zgjedhjeve në kohë pandemi, ndërsa deklaroi se mandati i anëtarëve të komisionit institucional të zgjedhjeve ka përfunduar dhe nuk i njeh duke e cilësuar procesin nul, por, kryetarja e këtij komisioni, Majlinda Keta së bashku me anëtarët e KIZ-it vijuan punën, ndërsa sot Koni i shkarkoi.
Në shkresën zyrtare të firmosur nga Koni, thuhet se Keta shkarkohet nga kjo detyrë, pasi në mënyrë të paligjshme dhe të paprecedentë nxori urdhrin për zgjedhjet ne Universitetin e Tiranës, ndërsa më pas përcolli me email njoftimin në fjalë.
Kujtojmë se në datën 4 prill kanë nisur edhe aplikimet për rektorin dhe anëtarët e senatit, pavarësisht se Universiteti është i mbyllur dhe aktualisht nuk ka asnjë studentë, ndërkohë që në vendimin e firmosur nga 7 anëtarët e Komisionit Institucional të Zgjedhjeve në UT, përcaktohet qartë se faza e dorëzimit të aplikimeve mbyllet në datën 8 maj.
Kjo gjë nuk u ka pëlqyer studentëve, që kanë të drejtë të votojnë, por duke qenë se nuk janë kthyer në auditore, vota e tyre nuk do përfshihet në zgjedhjet e 12 qershorit.
Ata i kërkuan Ministrisë së Arsimit që të shtyhen, pasi në këtë kohë është e pamundur për shkak të pandemisë dhe këto kërkesa ata i kanë bërë me anë të një letre të hapur drejtuar ministers Besa Shahini, ku kërkojnë shtyrjen e datës, pasi tani ndodhen të gjithë të izoluar për shkak të Covid-19 dhe procesi nuk do jetë i rregullt.
Mirëpo, Shahini u shpreh se vendimi i takon Universitetit dhe Ministria zgjedh vetëm datën e zgjedhjeve.
LEXO: Zgjedhjet në Universitetin e Tiranës: Studentët ‘ultimatum’ ministres Shahini
